1. Pakon hasé Konferensi Meja Bundar (KMB) Beulanda di djôk keudaulatan keu indonesia dalam statuih Republik Indonesia Seurikat (RIS) padahai njang njata djih uroë njoë nakeuh “keusatuan”?

Djeunaweueb peneuk, njang deuh ta kalon djinoe tjhit tudjuan djih untok peugot peundjadjahan baro.

Tapi rot pandangan Buelanda dipeugot RIS sabab djih mantong peureulee peungaroh di tanoh djadjahan djih.

Bak watee njan lagee hi dipeugot 16 boh kelompok atawa nanggroe bagian. Salah saboh nanggroe bagian njan diboh nan Republik Indon, njang laen njan nan2 droe djih keudroe. 

Watee bak KMB diboh nan keu mandum 16 njan djeuët keu RIS.

Teuma dudoe, njang 15 boh teuk njan pih ka di meugabong ngon Republik. Sabab ka di meugabong maka hana diboh nan le sibagoe RIS ka djeuët keu Republik indon.

Sueue:

Djeunaweueb:

indon di peuseungap lantaran njoe buet seumalee meunjo di tupeue, lantaran indon mardeka sabab dibloe

Dan Buelanda di peuseungap lantaran ureueng internasional ka di kheun beurangkapeue keu djih, dipeugah ka di exploit indon.

indon di peuseungap lantaran djih pih peureulee ureueng tupeue mardeka djih bak thon 1945, kon 2 November 1949

Djih teungoh dipeugot identiti droe djih bak watee njan

Untok peudeuh djih teuga dan patriotik djadi hana di teurimong peue njang dipeugah le Buelanda

Ureueng lagee geutanjoe Atjèh bak watee njan le hana geutupeue peukara bloe publoe njoe

Djadi le peng di tjok dari Atjèh untok bajeue utang njoe

Bak thon 1950 seubeutoi djih karap abeh dibajeue peng bloe njan mandum, deungon di peusapat peng2 dari nanggroe luwa Djawa

Dari Sumatra mantong bak watee njan kira2 dalam 70% di tjok.

Dari Atjèh, hase bumoe lagee meuh, meunjeuk, timah, nikel, dll dingui untok bajeue merdeka indon njan, dari rakjat2 beasa pih di tjok tjit deungon di tipee meubagoe tjara.

Bak thon 1956 Sikarno ka han ditem bajeue le

Lheueh 7 thon baro di thee droe djih

Watee karap abeh dibajeue

Tapi hana djeuët dipeugot sapeue le sabab kalheueh di teken

Malah lantaran hana di bajeue maka ka djeuët meutamah le lom RIBA njang peureulee dibajeue untok sisa djih

Dari thon 1960 sampoe 1970 indon meupeukara ngon Buelanda

Sabab Irian Djaja

Tapi bak thon 1966, watee njan ka di mat le Siharto, ka mulai di bajeue keulai

Watee ka mulai di bajeue keulai njan keuh Buelanda hana that di peumasalah le peukara Irian Djaja

Dan Irian Djaja dipeutamong lam indon

Keuneulheueh that abeh di bajeue untok bloe indon mardeka bak thon 2002

Djadi djeuët takheun indon dingui peng nanggroe2 di luwa Djawa untok beu djeuët di djadjah nanggroe2 njan keudroe

Lagee Atjèh le that peng geungui untok bloe mardeka indon, dan hana geutupeue, mungken njan salah saboh seubab pakon hana dipeuroh Atjèh lam KMB

Padahai meunjo ta kira ureueng po modal seupatot djih beu roh sadjan untok tjok peuneutoih

 djeuët takheun dipeugot negosiasi njan tjuma lam 72 uroe mantong

Dari 23 Agustus 1949 sampoe 2 November 1949

72 uroe njan njang takira aktif, uroe2 laen aleh peue dipeugot hana dijak meurundeng

Kiban djeuët ditjok peuntuoih lam watee paneuk lagee njan untok peuteuntee naseb saboh2 bansa?

Hana diseumike panjang mungken sabab njan ka pajah di bajeue

Sueue:

4. Meunjo memang beutoi dalam hasé KMB, Beulanda djidjôk keudaulatan keu Indonesia dalam beuntuk RIS tapi pakon Beulanda djijue bajeue ubéna beulandja prang nibak indonesia?

Djeunaweueb:

Di indon kajem ta deungo "menjerah tanpa sjarat" tapi disinan mantong ka deuh that rakjat djih ka dipeungeut dari awai kon

Sabab njata2 le that sjarat untok indon mardeka

Buelanda di lakee bajeue sabab djih ka bangkrot watee njan

Dum abeh peng watee dijak prang Atjèh

indon ditem bajeue sabab awaknjan pih hana kekuatan laen dan bak watee njan teungoh peureulee that untok di angkee le donja internasional sibagoe saboh nanggroe njang mardeka

Mandua Buelanda ngon indon di teungon le internasional untok peupijoh prang dan bek peurho le darah

Djadi ka keuh pajah bajeue ladju

djeuët ta kheun indon di bajeue untok djak prang droe djih 😀

Ureueng Atjèh pih roh bajeue tjhit

Ureueng Atjèh ka geu bajeue untok mardeka njang hana peureulee roh sadjan (indon), untok mardeka gob

Uleh seubab njan geutanjoe peureulee beu hati2 that, akan troh masa geutanjoe kadang akan ta hadapi situasi negosiasi ngon indon

Njan bek sampoe geutanjoe pajah ta bajeue2 utang2 indon tjhit lantaran peureulee pengakuan internasional. Merdeka njan bak droe keudroe teuh, hana that peureulee pengakuan gob.

Watee saboh2 nanggroe ka mardeka, disinan ntreuk na atjara pinah kuasa, transferring of power

Bak watee njan perusahaan2 njang baroe kon ngon peundjadjah akan di pinah kuasa sadjan geutanjoe

Bak watee njan dumpeue resiko pih di pinah bak geutanjoe

Teumasok utang2 djih.

Sueue:

5. Pakon Beulanda hana djiakui keumeurdékaan indonesia sampoë thôn 1949 dalam KMB?

Meunjo Buelanda di angkee indon mardeka bak thon 1945 makna djih Buelanda ka gadoh kekuasaan djih, seudangkan meunurot djih watee Djeupang ka diplueng kuasa njan meuwoe baksot keu Buelanda keudroe.

Proklamasi njang dipeugot le Sikarno meunurot Buelanda njan ata dipeugot2 le Djeupang

Sabab proklamasi njan dipeugot 2 uroe lheueh Djeupang meunjeurah

Buelanda peureulee baksot neuduek djih dan hase bumoe lagee meunjeuk, keubon2, tanoh2, dan hase bumoe laen.

Buelanda 2 go dipeugot prang keulai lheueh thon 1946 njang diboh nan "Aksi Peulisi", tapi mandua njan han keumah dikuasa keulai mandum wilajah

Sabab njan dipeugot RIS, salah saboh tudjuan djih untok peutalo lom batjut2 dan djih mantong na kuasa disinan, bahthat batjut

Mungken na rentjana peugot lagee Commonwealth Inggreh

Tapi han ek di peutheun tjhit sabab teuga that di teungon le internasional, teumasok US

Teukanan US han ek di theun sabab Buelanda peureulee beunantu peng, Marshal Aid

Meunjo hana di deungo peue njang dipeugah le US, han dibi peng.

Djadi ka pajah deungo

Pajah meudame

Peue laba keu US? Djih peureulee indon njan beudjeuët di kotrol le djih sabab komunis karap abeh di tamong u indon

Hana pereulee indon njan dimat le komunis, sabab bak thon 1949 Tjeuna ka punoh ngon Komunis

Buelanda bak watee njan tjhit teungoh peureulee that peng, sabab ka bangkrot lheueh.

Meunjo takira dumnan ngeut indon bak watee njan. Ureueng di sokong djih mansaboh donja

Diteungon Buelanda rata sagoe

Tapi mantong tjhit ditem bajeue

Ditem bloe mardeka djih

Atjèh bak thon 1942 ka meurdeka dan ka teudong lom, seupatot djih.

Sabab Buelanda hana digisa le u Atjèh dan Djeupang ka di pula pingkui

Djadi seubeutoi jih hana arti sapeue Buelanda di angkee atawa hana indon njan mardeka bak thon 1949

Sabab Atjèh tjhit ka hana dijup kuasa sasoe le

Bahthat pih meunan, Atjèh teutap dipasoe lam KMB deungon hana di pakat bak ureueng Atjèh, malah di peungeut.

Sueue:

 6. Puë seubab Beulanda djilakèe untuk teutap kuasai Irian Barat sampoë 1962?

Bak thon 1949 memang Buelanda hana dipeutamong Irian Djaja lam KMB, sabab alasan Buelanda dikheuen Irian Djaja njan ureueng djih gohlom siap mardeka

Dan ureueng2 di Irian Djaja hana saban ngon ureueng2 kawasan laen

hi hana saban, tjara hudep hana saban, ras, dll

Djadi hana patot dipeutamong lam indon

Tapi seubeutoi djih njan taktik Buelanda mantong

Njang seubeutoi djih Buelanda mantong peureulee na kontrol di Pacific

Mantong peureulee djeuët di dong di kawasan njan

Di pileh Irian Djaja sabab nanggroe njan kaja ngon meuh

Hase alam rata sagoe

indon hana galak, sabab meunurot indon mandum djadjahan Buelanda meuwoe keu indon

Njan keuh seubab njan indon meutamah palak, dan sampoe hana di peu abeh bajeue peng mardeka njan

Bak thon 1961 Buelanda ka dipeusiap pemerintahan droe keu Irian Djaja

Tapi bak thon 1962 indon ka di seurang Irian Djaja

Keuneulheueh buet peukara njan di ba bak UN

Ka roh na djampu djaroe US keunan

Djadi dipeusapat awak Papua 2 3 droe lheueh njan dipeugot referendum

Na siat lam jaroe UN, Irian Djaja ka dipeutamong lam indon

 Lam saboh hai, nasib Papua karap saban ngon Atjèh

Sabab Atjèh dipeutamong lam indon deungon hana pakat sapeue dari ureueng Atjèh, meunan tjhit ngon ureueng Papua

Peue njang dipeugot bak watee njan meusalah ngon undang2 UN

Leubeh2 bak UN Charter, Artikel 1(2), UN Charter, Artikel 55, UN Charter, Artike 73

Sueue:

7. Pakon didalam dokumèn KMB djipeuwajéb ateuh Indonesia untuk djitanggông bandum hutang kolonial  Beulanda seujak seugohlom proklamasi, teumasôk untuk peunjadjahan Atjèh, peumbangunan infrastruktur kolonial, dan beunajeue prang keu bandum wilajah di nusantara?

Djeunaweueb:

Sueue njoe seubeutoi djih ka beh teudjaweueb di ateueh dum

Sabab indon tjhit ka han ek ditheun le djih untok muprang bak watee njan

 Buelanda pih hana le peng

djadi di mita tjara untok peutamong lom peng

indon peureulee that pengakuan internasional ateueh neuduek djih

 Djadi ditem bajeue, awai phon dilakee 4.3 billion Gulden

Dudoe ka djeuët keu 4 billion mantong

Meunjo ta uko ngon peng djinoe lam standard USD nakeuh 14,248,000,000 USD

Njan 14.3 Billion Dollar Amerika leubeh kureueng indon ka dibajeue untok jum mardeka djih

Indon njan memang nanggroe meuteng paneng dari djeuët djih kon

Gob ureueng Djadjah beasa djih di bajeue ureueng keunong Djadjah

Lagee Itali di bajeue keu Libja

 Amerika keu Pilipin

Jeupang pih na dibajeue keu gob

 dll

Indon! bajeue keu ureueng Djadjah djih 😄

Sueue:

8. Deungon seubab keudjadian seudjarah yang lagee njoe, peuekeuh peumeurintahan Acheh di pengasingan djeuet ta gugat atawa ta tuntut keulai Belanda ?...

Djeunaweueb:

djeuët.

Diantara njang djeuët ta tuntut:

* Lakee pulang peng njang ka dibajeue le indon dari hase ureueng Atjèh, dari hase bumoe Atjèh, rakjat Atjèh njang geudjok lagee meuh, harta beunda, dll.

* Watee Prang Atjèh dari thon 1873 sampoe 1904, le that kureubeuen njawong dan harta beunda. Meunjo ta seutot standard uroe njoe, Buelanda ka dipeugot buet Djinajah Prang, War Crimes, ethnic cleansing.

* Deungon hana di peuroh Atjèh bak KMB Buelanda ka meulanggeh djih ngon Charter UN Artikel 1(2) & 55

Tapi ka teuntee hana mudah lagee njan

Diantara seubab pakon hana mudah:

Peukara njoe "ka beh watee"

Ka leupah nibak masa untok ta tuntut

Lheueh njan meunjo ta ba bak ICJ (International Court of Justice), Mahkamah Donja, ka pasti dilakee untok Buelanda dan indon seutuju untok ta ba issue njan bak ICJ. Peukara njang han mungken ditem, untok jinoe.

Seulaen nibak njan, status Atjèh jinoe kon le saboh nanggroe njang di iktiraf le UN. Nanggroe anggeeta njang di angkee le UN mantong njang djeuët tuntut hak njan bak ICJ

Bahthat pih meunan, kon meumakna geutanjoe han djeuët ta peugot sapeue. Na tjara laen njang tom leubeh deuh meuhase, miseue lagee:

Ta mulai deungon ta ba bak Mahkamah Buelanda njan keudroe, mahkamah nanggroe jih.

Lagee di peugot keu awak2 di Rawagede bak thon 2011

dan keu awak Sulawesi

Meunjo ta kira keureubeuen di Atjèh leubeh le lom dan sep bukti

Tapi pakon hana ureueng ba?

Lheueh njan djeuët tjhit ta peugot lagee njang teungoh ta peugot jinoe, ta jak rot NGO2

 Lagee UNPO, minoritj forum, indigenous, dll

djeuët ta peugah peue2 buet brok Buelanda bak watee njan dan geutanjoe hana dibi hak untok peuteuntee nasib droe

Bah that pih Mahkamah sang hi pueh bak ta tamong jinoe, tapi meunjo ta teungon Buelanda njan batjut2, rot rata sagoe maka djih meutamah malee udep lam donja. Dan bak akhee buet pajah dilakee meu'ah lagee njang ka tom dilakee meu'ah le raja djih bak thon 2020

Deungon ka dilakee meu'ah maka djeuët ta madju lom batjut2 dari sinan

Sabab meunjo ka dilakee meu'ah makna djih ka meusalah

Watee ka meusalah makna djih peureulee di peubeutoi

Djadi djih peureulee di tarek keulai ultimatum prang djih

Dan di angkee keulai Atjèh sibagoe Neugara Mardeka

Njang peureulee djinoe ureueng pubuet buet njan

Sabab njan maken rame geutanjoe maken got

Njoe angeeta peureulee ta tamah laju

le that buet peureulee ta peugot

Tuha ngon muda djeuët bantu, ube2 mampu dan peue njang djeuët

Hana djeuët pubuet buet tapi na partisipasi njan ta kira na buet tjhit

Njang sosah teuh, ureueng na tapi seungap mantong. Hana tanggapan, hana partisipasi

MBA