Ateueh nan Wali Neugara Atjèh Sumatra beuseureuta kabinèt dipeungaséngan kamoe meupeusampoë rasa seudéh njang paléng dalam ateueh musibah ië raja njang ka geubri lé Allah Subhanahu Wata’ala keu bandum Bansa Atjèh ban sigom Atjèh.

Musibah sigo njoe rajek that bala dan tjubaan dari Po teuh Allah musabab deungon ulah nibak manusia keudroe njang ka geu ubah ekosystem di Nanggroe geutanjoe deungon le that geukoh kajee sehingga uteuen ta kalon ka ueh dan le that bak kajee gle ka djeuet keu broh dan djirhon bandum u gampong djipok tutue2 dan putoh djalan dan ngop rumoh2 dum.

Ta harap Allah ridjang Neupeupijoh musibah njoe dan ureueng droe neuh bandum meuteumeung beunantu sibagah mungken.
Kamoe ka meupeusampoe keu bandum rakan dan sjeedara bangsa Atjèh pat mantong ateueh rhueng donja supaja geukirem beunantu u Nanggroe dan harapan kamoë keu bandum Bansa Atjèh beurajek saba, beusjukô dan teutap tawakal keu Allah sidroë seubab tjubaan njan nakeuh tjara Allah Neu gaséh keu geutanjoë hamba.

Saleuem kamoë keu gata mandum

Wassalamu’alaikum warahmatullahi wabarakatuh